రస్‌ అల్‌ ఖైమా: ఇథియోపియన్‌ మెయిడ్‌, స్పాన్సర్‌ ఇంట్లోనే ఉరివేసుకుని చనిపోయిన ఘటన రస్‌ అల్‌ ఖైమాలో చోటు చేసుకుంది. అల్‌ మౌమురా ప్రాంతంలో డిసెంబర్‌ 10న మెయిడ్‌, తన స్పాన్సర్‌ ఇంట్లోని ఫ్యాన్‌కి ఉరేసుకుని చనిపోయినట్లు అధికారులు ధృవీకరించారు. ఓ ఎమిరేటీ ఫ్యామిలీకి మెయిడ్‌గా పనిచేస్తోంది ఆమె. యూఏఈకి ఈ ఆగస్ట్‌లోనే ఆమె వచ్చి, కేవలం మూడు నెలలు మాత్రమే మెయిడ్‌గా పనిచేసినట్లు పోలీసులు ధృవీకరించారు. పనిచేస్తున్న సమయంలో మెయిడ్‌ ప్రవర్తన వింతగా ఉండేదని స్పాన్సర్‌ చెప్పారు. ఇంట్లో సమస్యల కారణంగానే తాను మెయిడ్‌గా పనిచేసేందుకు రావాల్సి వచ్చినట్లు ఆమె తమకు చెప్పిందని స్పాన్సర్‌ పోలీసులకు వివరించారు. అనారోగ్యంతో బాధపడ్తున్న భర్త, ఇద్దరు పిల్లలు ఆమెకు ఉన్నట్లుగా తెలిపారు.