ఆధార్‌ అనుసంధానిత చెల్లింపులకు వీలుగా కేంద్ర ప్రభుత్వం త్వరలో ఒక మొబైల్‌ అప్లికేషన్‌ను ప్రారంభించనుంది. ఈ-చెల్లింపులపై కోటి మంది ప్రజలకు శిక్షణ ఇచ్చేందుకు జాతీయస్థాయి కార్యక్రమాన్ని కూడా ప్రారంభించనుంది. ఇప్పటికే 40 కోట్ల బ్యాంకు ఖాతాలు ఆధార్‌తో అనుసంధానమై ఉన్నాయని, మిగిలిన ఖాతాలను కూడా ఆధార్‌తో అనుసంధానం చేసే విషయమై ప్రభుత్వం కసరత్తు చేస్తోందని సమాచారసాంకేతిక పరిజ్ఞాన శాఖ మంత్రి రవిశంకర్‌ ప్రసాద్‌ శుక్రవారం విలేకర్లతో చెప్పారు.