' కంచె చేను ..మేసిన రీతిలో ' రక్షణగా ఉండాల్సిన 22 ఏళ్ల భారతీయ కార్మికుడు తాను పనిచేసే నిర్మాణ సంస్థకు కుచ్చుటోపీ పెట్టబోయి ఎంచక్కా దొరికిపోయాడు. నిర్మాణ స్థలంలో 50 వేల డి హెచ్ విలువ చేసే పరంజాలను దొంగిలించాడని కోర్ట్ ఆఫ్ ఫస్ట్ ఇన్స్టాన్స్ ఈ మేరకు ఆరోపించబడింది. ఈ దొంగతనం సంఘటన పై జెబెల్ ఆలీ పోలీసు స్టేషన్ కు ఆగస్టు11వ తేదీన నివేదించబడింది.ఆగష్టు 11 వ తేదీన నిర్మాణ కార్మికులు కొన్ని పరంజాలు నిర్మాణ స్థలం నుండి పోయినట్లు గుర్తించారు. వారు ఈ మేరకు ఒక సివిల్ ఇంజనీర్ కు ఈ సమాచారం చెప్పారు. ఈ అపహరణ విషయమై కర్తవ్య నిర్వహణలో ఉన్న సెక్యూరిటీ గార్డుని అడగ్గా,ఆ ఉదయం టీ తాగేందుకు వెలుపలికి వెళ్ళినపుడు బహుశా ఈ దొంగతనం జరిగి ఉండవచ్చని కాకమ్మ కబుర్లు చెప్పబోయాడు.దీనితో ఆ ఇంజినీర్  పోలీసులకు పిర్యాదు చేసిన నేపథ్యంలో అక్కడకు చేరుకున్న పోలీసులు తమదైన రీతిలో ఆ భారతీయ కార్మికుడిని ప్రశ్నించి వాస్తవం రాబట్టేరు . పబ్లిక్ ప్రాసిక్యూషన్ రికార్డుల ప్రకారం రెండోవ నిర్మాణ స్థలం నుండి పరంజాలను దొంగిలించి వాటిని ఒక  పాకిస్తానీ వ్యక్తికి అమ్మినట్లు నేరం ఒప్పుకున్నాడు. ఈ కేసుకు సంబంధించిన తదుపరి విచారణను డిసెంబర్ 26 వ తేదీన జరగాల్సి ఉంది.