ఈ రోజు స్వీట్ కార్న్ వెజిటబుల్ సూప్ ఎలా చేయాలో చూద్దాం..

కావలసిన పదార్ధాలు:

• స్వీట్ కార్న్ (క్రీం స్టైల్)                   - 1 టిన్
• స్వీట్ కార్న్ గింజలు                       - 1/2 కప్పు (ఉడికించినవి)
• వెజిటబుల్ స్టాక్                              - 1.25 లీటర్లు (5 కప్పులు)
• బీన్స్                                                - 8 (సన్నగా తురిమినవి)
• క్యాబేజీ                                             - 1/2 కప్ (సన్నగా తురినిమది)
• క్యారట్                                             - 1 (సన్నగా తురినిమది)
• కార్న్ ఫ్లోర్                                         - 2 1/2 టేబుల్ స్పూన్లు
• పంచదార                                         - 3/4 టేబుల్ స్పూను
• ఉప్పు                                                - తగినంత
• మిరియాల పొడి                                - తగినంత
• ఉల్లి కాడలు (సన్నగా తరిగినవి)        - 3- 4 టేబుల్ స్పూన్లు

తయారు చేయు విధానం:

• ముందుగా ఒక మందంగా ఉండే బాండీలో క్రీం స్టైల్ స్వీట్ కార్న్ మరియు వెజిటబుల్ స్టాక్ వేసి బాగా కలపాలి.
• ఇందులో సన్నగా తరిగి పెట్టుకున్న బీన్స్, క్యాబేజీ, క్యారట్, ఉడికించిన కార్న్ ముక్కలు వేసి సన్నటి సెగ మీద మరిగించాలి.
• ఇప్పుడు ఒక చిన్న బౌల్ లో కాస్త వెజిటబుల్ స్టాక్ లేదా నీళ్ళు తీసుకొని కార్న్ ఫ్లోర్ ని కైపి ఒక పేస్టు లాగా చేసి పక్కన పెట్టుకోండి.
• మరుగుతున్న సూప్ లో పంచదార, ఉప్పు, మిరియాల పొడి వేసి 3 - 4 నిమిషాలు మరగనివ్వండి.
• ఈ పేస్టు ను మరుగుతున్న సూప్ లో బాగా కలుపుతూ వేయండి. ఈ సూప్ కాస్త చిక్కబడే దాకా మరిగించి స్టవ్ మీద నుండి దించేయండి.
• ఇప్పుడు ఉల్లి కాడలతో గార్నిష్ చేసుకొని తినటమే.!!