యెమెన్‌లో హౌతీ తిరుగుబాటుదారులను లక్ష్యంగా చేసుకుని సౌదీ అరేబియా నేతృత్వంలోని సంకీర్ణ కూటమి యుద్ధ విమానాలు జరిపిన దాడుల్లో కనీసం 20 మంది మరణించారు. అరబ్‌ సైనికులపై క్షిపణి ప్రయోగం చేసి పలువురిని బలితీసుకున్న హౌతీలపై యుద్ద విమానాలు బాంబుల వర్షం కురి పించాయని ప్రధానంగా సనా ఉత్తర ప్రాంతంలోని మతపరమైన విద్యాసంస్థ అల్‌ ఇమామ్‌ యూనివర్శిటీలో స్థావరాన్ని ఏర్పాటు చేసుకున్న హౌతీలను లక్ష్యంగా చేసుకుని ఈ దాడులు జరిగాయని స్థానికులు వివరించారు. సనా నగరంలో యుద్ధ విమానాలు కురిపించిన బాంబుల పేలుళ్లతో నగరంలోని భవనాలు దద్దరిల్లాయని, ఈ పేలుళ్లలో ఇద్దరు మరణించారని తెలిసింది.