దోహా క్రిమినల్‌ కోర్ట్‌ ఐదుగురు వలసదారులకు డ్రగ్స్‌ కేసులో శిక్షలు విధించింది. ఇందులో ముఠా నాయకుడికి మరణ శిక్ష విధించింది. నలుగురు నిందితులు 120 కిలోల హాషిస్‌ మరియు ఓపియమ్‌ డ్రగ్స్‌ని స్మగుల్‌ చేస్తూ పట్టుబడ్డారు. ఈ కేసులో మొదటి నిందితుడికి 500,000 ఖతారీ రియాల్స్‌ జరీమానా అలాగే మరణ శిక్ష విధించింది. రెండో నిందితుడికి జరీమానా 500,000 ఖతారీ రియాల్స్‌ అలాగే జీవిత ఖైదు విధించింది. ఇదే శిక్ష మూడో నిందితుడికి కూడా విధించారు. నాలుగో వ్యక్తికి ఏడేళ్ళ జైలు శిక్ష, 200,000 ఖతారీ రియాల్స్‌ జరీమానా విధించగా, ఐదో నిందితుడికి ఏడాది జైలు, 10,000 ఖతారీ రియాల్స్‌ జరీమానా విధించారు. డ్రగ్స్‌ సేవించిన కేసులో ఇతనికి ఈ శిక్ష పడింది. స్మగ్లింగ్‌ కేసు నుంచి ఇతనికి ఊరట లభించింది.