మొన్నటి వరకు బాలీవుడ్ పిక్చర్స్ వందల కోట్లతో తీసేవారు. ఇప్పుడు టాలీవుడ్, కోలీవుడ్ సినిమాలు కూడా వందల కోట్ల క్లబ్ లోకి వచ్చేశాయి. ఎంత చిన్నబడ్జెట్ తో సినిమాలు తీస్తున్నారో, అంత బిగ్ రేంజ్ లో కూడా సినిమాలు తీస్తున్నారు. బాహుబలి, రోబో, కబాలి వంటి సినిమాలు సౌత్ మూవీస్ రేంజ్ ను పెంచేశాయి. తాజాగా కోలీవుడ్ లో సుందర్.సి మరీ హై రేంజ్ లో ఓ సినిమా తీయబోతున్నారు. సంఘమిత్ర అనే టైటిల్ తో తెరకెక్కనున్న ఈ సినిమాలో ప్రధాన పాత్రలుగా విజయ్, మహేష్ బాబులని తీసుకోవాలని అనుకున్నాడు సుందర్. కాని ఈ ఇద్దరు హీరోలు భారీ ప్రాజెక్ట్ పై ఆసక్తి చూపించకపోవడంతో వారి ప్లేస్ లోకి జయం రవి, ఆర్యలు వచ్చారు. సుందర్ సి. తీయబోయే సినిమా షూటింగ్ కు రెండేళ్లు పడుతుందని తెలుస్తోండగా, దాదాపు 11 దేశాల్లో ఈ మూవీ షూటింగ్ జరుపుకోనున్నట్టు సమాచారం.