నాని కథానాయకుడిగా త్రినాథరావు నక్కిన దర్శకత్వంలో తెరకెక్కుతోన్న చిత్రం 'నేను లోకల్‌'. ఈ చిత్రంలోని 'నెక్ట్‌ ఏంటి' అనే పాటను శుక్రవారం సాయంత్రం విడుదల చేస్తున్నట్లు చిత్ర బృందం ప్రకటించింది. అయితే ఇందులో చిన్న మార్పు చేస్తూ పాటతోపాటు ఓ సర్‌ప్రైజ్‌ను జనవరి 12న విడుదల చేస్తున్నట్లు నిర్మాత దిల్‌రాజు ఫేస్‌బుక్‌లో పోస్ట్‌ చేశాడు. మరి ఆ సర్‌ప్రైజ్‌ ఏంటో తెలుసుకోవాలంటే 12 వరకు వేచి చూడాల్సిందే.
శ్రీ వేంకటేశ్వర క్రియేషన్స్‌ పతాకంపై నిర్మిస్తున్న ఈ చిత్రంలో కీర్తీసురేశ్‌ కథానాయికగా నటిస్తున్నారు. దేవిశ్రీ ప్రసాద్‌ స్వరాలు సమకూరుస్తున్నారు.