బెంగళూరు : విదేశాల్లో ఉద్యోగావకాశాలను కోరుకునే యువతకు నైపుణ్యాభివృద్ధి పథకాన్ని ప్రవేశపెడతామని ప్రధాన మంత్రి నరేంద్ర మోదీ చెప్పారు. 14వ ప్రవాస భారతీయ దివస్‌ సమావేశంలో ఆయన మాట్లాడుడూ ప్రవాసీ కౌశల్ వికాస్ యోజనను ప్రారంభిస్తున్నట్లు తెలిపారు. దీనిలో భాగంగా యువత సాఫ్ట్ స్కిల్స్‌ను అభివృద్ధి చేయడంతో పాటు వివిధ సంస్కృతుల గురించి బోధిస్తామని చెప్పారు. ప్రపంచ వ్యాప్తంగా భారతీయులు సత్తా చాటుతున్నారని, ప్రస్తుతం 3 కోట్ల మందికి పైగా విదేశాల్లో ఉంటున్నారన్నారు. పీఓఐ కార్డులున్నవారు వాటిని ఓసీఐ కార్డులుగా మార్చుకోవాలని కోరారు. దీనికి తుది గడువును ఈ ఏడాది జూన్ వరకు పొడిగిస్తామని తెలిపారు.