స్టయిలిష్ స్టార్ అల్లు అర్జున్ సమ్మర్ ప్లాన్స్ ఏంటి ? ఫ్యామిలీతో ఏఏ దేశాలకు టూరేస్తాడు..? అనే ప్రశ్నల కంటే.. సమ్మర్ లో బన్నీ బాగా బిజీ అన్న మాటైతే ఫిక్స్ అయిపోయింది. ఎలాగంటే.. ఇప్పుడు దువ్వాడ జగన్నాధం ప్రాజెక్ట్ మీద తెగ వర్క్ చేస్తున్న అల్లు అర్జున్.. దీని తర్వాత ఇంకో సినిమాకు కమిటయ్యాడన్నది లేటెస్ట్ న్యూస్.

ప్రముఖ రచయిత వక్కంతం వంశీ డైరెక్షన్ లో చెయ్యడానికి బన్నీ ఒప్పేసుకున్నాడు. దీనికి ప్రొడ్యూసర్ లగడపాటి శ్రీధర్. ఇంతవరకు చిన్న సినిమాలకు మాత్రమే పరిమితమైన లగడపాటికి, కేవలం కథలు రాసుకోవడంతోనే కెరీర్ కొనసాగించిన వక్కంతంకు బన్నీ సినిమాతో ప్రమోషన్ వచ్చినట్లే లెక్క. ఏమాత్రం ఆలస్యం చేయకుండా ఏప్రిల్ నెలలోనే షూట్స్ కి వెళ్లాలని యూనిట్ ప్లాన్ చేస్తోంది. సో.. సమ్మర్ కి బన్నీ ఎక్కడన్న డౌట్ తీరిపోయినట్లేగా ?