స్థానిక  అల్ మేడమ్ ప్రాంతంలో వేడి గాలి బెలూన్ ఒక్కసారిగా కిందకు పడటంతో  ఆరుగురు తీవ్ర గాయాల పాలయ్యారు. పోలీసులు శనివారం రాత్రి 9 గంటలకు, ఈ సంఘటన గురించి ఫోన్ కాల్ అందుకున్నట్లు తెలిపారు.దీనితో వారు వెంటనే ఆ ప్రాంతానికి ఒక జట్టుని పంపారు. క్షతగాత్రులను  చికిత్స కోసం ఆసుపత్రికి తరలించారు.సెంట్రల్ రీజియన్ పోలీసు స్టేషన్ డైరెక్టర్ అహ్మద్ బిన్ దార్విష్ ఈ సందర్భంగా మాట్లాడుతూ  గాలి బెలూన్ అకస్మాత్తుగా కిందకు పడిపోయిందని అయితే, ఇందుకు వాస్తవ కారణం తెలియదని  అయితే ఈ ప్రమాద కారణం గుర్తించడానికి పరిశోధన జరుగుతోందని ఆయన వివరించారు. వాతావరణంలో గాలి వేగం పెరిగిన నేపథ్యంలో గాలి బుడగ కిందకు పడి ఈ ప్రమాదంకు కారణం కావచ్చోమేనని అయితే పూర్తి పరిశోధన అయ్యే వరకు వేచి ఉండాల్సి ఉందన్నారు.