బెస్ట్ యాక్టర్ ఫిల్మ్‌ఫేర్‌ అవార్డును రూ. 30 వేలకు కొన్నానని బాలీవుడ్‌ సీనియార్ హీరో రిషికపూర్‌ తెలిపారు. ఇటీవల ఆయన ‘ఖుల్లం ఖుల్లా’ పేరుతో తన లైఫ్ హిస్టరీ బుక్ రిలీజ్ చేశారు. ఈ సందర్భంలో ఓ ఛానెల్ కిచ్చి ఇంటర్వ్యూలో  ఈ విషయం బయటపెట్టారు. 

రిషికపూర్‌ 1973లో ‘బాబీ’ సినిమాతో బాలీవుడ్ సిల్వర్ స్క్రీన్ కి  పరిచయమయ్యారు. ఈ చిత్రానికి గాను 1974లో బెస్ట్ యాక్టర్ ఫిల్మ్‌ఫేర్‌ అవార్డును పొందారు. ఐతే ఆ అవార్డును రూ. 30 వేలు పెట్టి కొన్నానని, అప్పట్లో తాను చేసిన పనికి ఆ తర్వాత చాలా సిగ్గుపడ్డానని తెలిపారు. అప్పుడు తాను యువకుడినని, చేతిలో బాగా డబ్బులు ఉండేవని చెప్పారు. ఆ తర్వాత మరెప్పుడూ అలాంటి పని చేయలేదని పేర్కొన్నారు.