హైదరాబాద్‌: 'ముకుంద'తో మెగా వారసుడుగా వెండితెరకు పరిచయమై 'కంచె', 'లోఫర్‌' చిత్రాలతో తనకంటూ ఓ ప్రత్యేక గుర్తింపు సంపాదించుకునాడు వరుణ్‌తేజ్‌. త్వరలో 'మిస్టర్‌'గా ప్రేక్షకుల ముందుకు రానున్న వరుణ్‌తేజ్‌ గురువారం పుట్టినరోజు జరుపుకుంటున్నాడు. ఈ సందర్భంగా 'మిస్టర్‌' చిత్ర బృందం కొత్త పోస్టర్‌ను విడుదల చేస్తూ ఆయనకు పుట్టినరోజు శుభాకాంక్షలు తెలిపింది. శ్రీను వైట్ల దర్శకత్వం వహిస్తున్న ఈ చిత్రంలో లావణ్య త్రిపాఠి, హెబ్బా పటేల్‌ కథానాయికలుగా నటిస్తున్నారు. లక్ష్మీ నరసింహ ప్రొడక్షన్స్‌ పతాకంపై నిర్మిస్తున్న చిత్రానికి మిక్కీ జే మేయర్‌ స్వరాలు సమకూరుస్తున్నారు.