రాజీవ్‌గాంధీ అఖిల భారత అండర్‌-19 టి20 ఫెడరేషన్‌ కప్‌ టోర్నమెంట్‌లో హైదరాబాద్‌ జట్టు భారంభం చేసింది. అంబర్‌పేట వాటర్‌ వర్క్స్‌ క్రికెట్‌ మైదానంలో బుధవారం జరిగిన ఈ మ్యాచ్‌లో మలేసియా జట్టుపై 93 పరుగుల తేడాతో విజయం సాధించింది. టాస్‌ గెలిచి బ్యాటింగ్‌కు దిగిన హైదరాబాద్‌ జట్టు నిర్ణీత 20 ఓవర్లలో 142 పరుగులు చేసింది. సాగర్‌ చౌరాసియా (55) అర్ధసెంచరీతో చెలరేగాడు. ప్రత్యర్థి బౌలర్లలో సంజయ్‌ 2 వికెట్లు దక్కించుకున్నాడు. అనంతరం 143 పరుగుల లక్ష్యఛేదనకు బరిలోకి దిగిన మలేసియా జట్టు 13.1 ఓవర్లలో 49 పరుగులకే ఆలౌటై ఓడిపోయింది. హైదరాబాద్‌ బౌలర్లలో అజయ్‌దేవ్‌ గౌడ్‌ (4/18), నితిన్‌ గోపాల్‌ (2/6) విజృంభించారు.