జెట్‌ ఎయిర్‌ వేస్‌ సంస్థ తమ వినియోగదారుల కోసం మరో ఆకర్షణీయమైన ఆఫర్‌ని ప్రకటించింది. రెండు టిక్కెట్లను ఒకే టిక్కెట్‌ ధరకు పొందేలా ఈ ఆఫర్‌ని రూపొందించారు. లిమిటెడ్‌ పీరియడ్‌ ఆఫర్‌గా దీన్ని ప్రకటించిన జెట్‌ ఎయిర్‌ వేస్‌, ఇండియా, ఏసియన్‌ మరియు సార్క్‌ దేశాలకు గల్ఫ్‌తో కనెక్ట్‌ అయ్యే తమ విమానాకు మాత్రమే ఈ ఆఫర్‌ వర్తిస్తుందని వెల్లడించింది. బ్యాంకాక్‌, కొలంబో, ఢాకా, హాంగ్‌కాంగ్‌, కాట్మండు, సింగపూర్‌ తదితరదేశాలతో కలిపి మొత్తం 46 డెస్టినేషన్స్‌ ఇందులో ఉన్నాయి. వన్‌ వే మరియు రిటర్న్‌ జర్నీలకు కూడా తక్షణం వర్తించేలా ఈ ఆఫర్‌ని రూపొందించారు. ఈ ఆఫర్‌లో టిక్కెట్లను కొనుగోలు చేసే ఇద్దరు ప్రయాణీకులూ కలిసి ఒకేసారి ఒకే విమానంలో ప్రయాణించాల్సి ఉంటుంది.