హైదరాబాద్: వచ్చే దసరా నుంచి తెలంగాణలో సినీ అవార్డులు ఇస్తామని మంత్రి తలసాని శ్రీనివాస్ యాదవ్ అన్నారు. నెమలి, పాలపిట్ట, సింహం, కాకతీయ కళాతోరణం పేర్లు పరిశీలిస్తున్నామని తెలిపారు. ఈ ఏడాది డిసెంబర్‌ 1 నుంచి 4 తేదీవరకు ఇండీవుడ్‌ కార్నివాల్‌ నిర్వహించబోతున్నట్లు వివరించారు. సినీ పరిశ్రమ నుంచి వచ్చే వాణిజ్య పన్నును ఫిల్మ్‌ డెవలప్‌మెంట్‌ కార్పొరేషన్‌కు కేటాయిస్తాం అని ఈ సంధర్భంగా ఆయన వెల్లడించారు.