నాగార్జున కే.రాఘవేంద్ర రావు దర్శకత్వంలో తెరకెక్కుతున్న మరో భక్తి రస చిత్రం ఓం నమో వెంకటేశాయ... ఈ సినిమా శ్రీ వారి భక్తుడైన హథీరాం బాబాజీ జీవిత చరిత్ర ఆధారంగా రాఘవేంద్ర రావు తెరకెక్కించిన సంగతి విధితమే.. ఇప్పటికే ఆడియో వేడుక జరుపుకొని సినిమా రిలీజ్ కు రెడీ అవుతున్నది. ఫిబ్రవరిలో ప్రేక్షకుల ముందుకు రానున్న ఈ సినిమా టైటిల్ వివాదంలో చిక్కుకొన్నది.. ఓం నమో వెంకటేశాయ టైటిల్ ను మార్చాలని కొంత మంది విద్యార్ధులు ఆందోళనకు దిగారు.. రాఘవేంద్ర రావు, నాగార్జున కాంబినేషన్ లో వచ్చిన భక్తి రస సినిమాలైన అన్నమయ్య, రామదాసు, వంటి సినిమాలకు భక్తుల పేర్లనే పెట్టినట్లు... తాజాగా సినిమా హథీరాం బాబాజీ టైటిల్ ను పెట్టాలని తిరుపతిలో విద్యార్ధులు నిరసనలు వ్యక్తం చేస్తున్నారు. కాగా హైదరాబాద్ లోని పలు సంఘాల నేతలు ఈ విషయం పై ఇప్పటికే డిమాండ్ చేసిన సంగతి విధితమే.. కాగా ఓం నమో వెంకటేశయ చిత్ర యూనిట్ టైటిల్ మార్చే విషయం లో ఎటువంటి నిర్ణయం తీసుకొంటారు అనేది సస్పెన్స్ గా ఉన్నది.