మస్కట్‌ ఎఫ్‌ఎం (రేడియో మస్కట్‌) అధికారికంగా నార్త్‌ గుబ్రాలోని హెడ్‌ క్వార్టర్స్‌లో ప్రారంభమయ్యింది. ఈ కొత్త అరబిక్‌ రేడియో స్టేషన్‌ ప్రారంభోత్సవంలో మినిస్టర్‌ ఆఫ్‌ ఇన్ఫర్మేషన్‌ డాక్టర్‌ అబ్దుల్‌మునిమ్‌ బిన్‌ మనసూర్‌ బిన్‌ సైద్‌, పబ్లిక్‌ అథారిటీ ఫర్‌ రేడియో అండ్‌ టెలివిజన్‌ ఛైర్మన్‌ డాక్టర్‌ అబ్దుల్లా అల్‌ హర్రాసి సమక్షంలో ఈ ప్రారంభోత్సవం జరిగింది. 105.3 ఎఫ్‌ఎం ద్వారా ఎయిర్‌ కానున్న ఈ రేడియో స్టేషన్‌లో ప్రస్తుతానికి గల్ఫ్‌, అలాగే అరబ్‌ కంట్రీస్‌కి సంబంధించిన మ్యూజిక్‌పై ప్రోగ్రామ్స్‌ ఎయిర్‌ అవుతాయి. అలాగే మస్కట్‌ ఫెస్టివల్‌కి సంబంధించిన లైవ్‌ అప్‌డేట్స్‌ని కూడా ఎయిర్‌ చేస్తారు. క్రమక్రమంగా అన్ని అంశాలపైనా ఈ ఛానల్‌ ద్వారా ప్రసారాలుంటాయి. ఒమనీ యువతకు పలు ఇంటరాక్టివ్‌ ప్రోగ్రామ్స్‌ని అందించే ఉద్దేశ్యంతో ఈ ఎఫ్‌ఎం ఛానల్‌ని ప్రారంభించినట్లు నిర్వాహకులు తెలిపారు. ఒమనీ జాతీయులకు ట్రైనింగ్‌ ఇచ్చి, ఛానల్‌లో అవకాశాలు కల్పిస్తారు.