ఒకరిపై హత్యాయత్నానికి పాల్పడిన 42 ఏళ్ళ బంగ్లాదేశీ వ్యక్తికి న్యాయస్థానం మూడేళ్ళ జైలు శిక్ష విధించింది. వ్యక్తిగత కారణాలతోనే నిందితుడు, ఈ దాడికి పాల్పడ్డాడు. దాడిలో గాయపడ్డ వ్యక్తిని హుటాహుటిన ఆసుపత్రికి తరలించారు. అయితే, తాను ఆ దాడికి పాల్పడలేదంటూ నిందితుడు న్యాయస్థానంలో బుకాయించేందుకు ప్రయత్నించాడు. కేవలం 10 ఫిల్స్‌ కోసం నిందితుడు ఈ హత్యాయత్నానికి ఒడిగట్టినట్లు తెలియవస్తోంది. ఇంకో ఘటనలో ఇద్దరు రూమ్‌మేట్స్‌పై కత్తితో దాడికి పాల్పడిన మరో వ్యక్తికి జైలు శిక్ష విధించింది న్యాయస్థానం. ఈ ఘటనలో ఓ వ్యక్తి మృతి చెందాడు. మరో వ్యక్తి తీవ్రగాయాలతో ఆసుపత్రి పాలయ్యాడు.