హైదరాబాద్: శంషాబాద్‌ అంతర్జాతీయ విమానాశ్రయం ప్రహరీకి ఆనుకొని ఉన్న బాణసంచా గోడౌన్‌లో మంగళవారం రాత్రి భారీ అగ్నిప్రమాదం జరిగింది. ఆ సమయంలో గోడౌన్‌లో ఎవరూ లేకపోవడంతో ప్రాణనష్టం తప్పింది. సుమారు 20 లక్షల ఆస్తినష్టం జరిగి ఉంటుందని అంచనా. షార్ట్‌సర్క్యూట్‌తో ప్రమా దం జరిగిందని భావిస్తున్నారు. అగ్నిమాపక సిబ్బంది రెండు గంటలు శ్రమించి మంటలు ఆర్పివేశారు. గోడౌన్‌లో రాత్రి ఏడు గంటల సమయంలో మంటలంటుకున్నాయి. చుట్టు పక్కల వారు గమనించి పోలీసులకు సమాచారం అందించగా వారు అగ్నిమాపక సిబ్బందికి తెలియజేశారు. ఆర్జీఐఏ పోలీసులు సంఘటనా స్థలాన్ని పరిశీలించారు