పోలీస్‌ స్టేషన్‌ క్లర్క్‌, సిఐడి అధికారినని చెప్పి, ఓ మహిళను బెదిరించి ఆమెపై అత్యాచారానికి ఒడిగట్టాడు. ఈ ఘటనలో నిందితుడికి ఆరు నెలల జైలు శిక్ష విధించడంతోపాటుగా, అతన్ని దేశం నుంచి బహిష్కరించాలని న్యాయస్థానం తీర్పునిచ్చింది. అయితే ఈ తీర్పుపై అప్పీల్‌కి అవకాశం ఉంది. నిందితుడు 32 ఏళ్ళ వయసున్న పాకిస్తాన్‌కి చెందిన వ్యక్తి. అయితే, ఈ కేసుతో తనకు సంబంధం లేదని నిందితుడు ఆరోపిస్తున్నాడు. అల్‌ రఫ్ఫా పోలీస్‌ స్టేషన్‌ పరిధిలో ఏప్రిల్‌ 18న ఈ ఘటన జరిగింది. 19వ తేదీన అల్‌ అవీర్‌లో నిందితుడ్ని పోలీసులు పట్టుకున్నారు. బాధితురాలు తన కారులో వెళుతుండగా, నిందితుడు అడ్డుకుని, సిఐడి అధికారని చెప్పి తనను బలవంతంగా ఆ కారులో వేరే చోటకి తీసుకెళ్ళి తనపై అత్యాచారం చేశాడని బాధితురాలు ఆరోపించింది. బాధితురాలి ఫిర్యాదు నేపథ్యంలో విచారణ చేపట్టిన పోలీసులు, నిందితుడ్ని అదుపులోకి తీసుకున్నారు.