టెహ్రాన్‌, జనవరి 28: ఏడు ముస్లిం మెజారిటీ దేశాలపై అమెరికా వీసా నిషేధం విధించడంపై ఇరాన్‌ తీవ్రంగా మండిపడింది. తాము కూడా అమెరికన్లు తమ దేశంలోకి రాకుండా నిషేధం విధిస్తామని ఆ దేశ విదేశాంగశాఖ ప్రకటించింది. ట్రంప్‌ నిర్ణయం చట్టవిరుద్ధం, తర్కరహితం అని ఆ దేశం ఆక్షేపించింది. ఇది ముస్లిం ప్రపంచాన్ని, ఇరాన్‌ను బహిరంగంగా అవమానించడమేనని పేర్కొంది. కాగా, ''ఇది దేశాల మధ్య గోడలు కట్టాల్సిన సమయం కాదు. కొన్నేళ్ల క్రితమే బెర్లిన్‌ గోడ బద్దలైన విషయాన్ని ట్రంప్‌ మర్చిపోయినట్టున్నారు'' అని ఆ దేశ అధ్యక్షుడు హసన్‌ రౌహానీ హితవు పలికారు.