అక్కినేని నాగార్జున తనయుడు నాగచైతన్య, టాలీవుడ్‌ కథానాయిక సమంత నిశ్చితార్థం హైదరాబాద్‌ ఎన్‌కన్వెన్షన్‌ సెంటర్‌లో ఘనంగా జరిగింది. ఈ కార్యక్రమానికి పరిమిత సంఖ్యలో ప్రముఖులు హాజరయ్యారు. అతిథుల సమక్షంలో హిందూ, క్రైస్తవ సంప్రదాయం ప్రకారం నిశ్చితార్థ వేడుక జరిగింది. 'మా అమ్మ నాకూతురైంది' అంటూ నిశ్చితార్థ వేడక ఫోటోలను నాగార్జున ట్విటర్‌లో పోస్టు చేశారు. నాగచైతన్య, సమంత గత కొంతకాలంగా ప్రేమించుకుంటున్న విషయం తెలిసిందే. వీరి వివాహానికి ఇరు వైపులా పెద్దలు అంగీకరించడంతో నిశ్చితార్థ వేడుక ఘనంగా జరిగింది. 'ఏ మాయ చేసావే' సినిమాతో వెండితెరను పంచుకున్న నాగచైతన్య, సమంత ఇప్పుడు జీవితాన్ని పంచుకోనున్నారు.