మినిస్ట్రీ ఆఫ్‌ డెవలప్‌మెంట్‌ ప్లానింగ్‌ వెల్లడించిన వివరాల ప్రకారం హమాద్‌ ఇంటర్నేషనల్‌ ఎయిర్‌పోర్ట్‌ నుంచి ప్రయాణించిన ప్రయాణీకుల సంఖ్య 30.3 శాతం పెరిగినట్లు వెల్లడయ్యింది. అరైవల్స్‌ సంఖ్య 1,662,000కి చేరుకుంది డిపాచ్యూర్స్‌ సంఖ్య 1,693,000గా ఉంది. ఇంకో వైపున ఖతార్‌ పాపులేషన్‌ 2.5 మిలియన్‌లకు పైగా చేరింది. 2015 డిసెంబర్‌లో ఈ సంఖ్య 2.4 మిలియన్లుగా ఉంది. 2016 డిసెంబర్‌లో 2,198 పుట్టుకలు నమోదయ్యాయి. 217 మరణాలు ఇదే కాలానికి రికార్డ్‌ అయ్యాయి. డిసెంబర్‌ 2016లో ట్రాఫిక్‌ ఉల్లంఘనల సంఖ్య 178,655గా నమోదైంది. అయితే గతంతో పోల్చితే ఇందులో కాస్త తగ్గుదల నమోదు కావడం గమనించదగ్గది. డిసెంబర్‌ 2016లో కొత్త వాహనాల సంఖ్య 7,259గా ఉంది. బ్రాడ్‌ మనీ సప్లయ్‌ విషయానికొస్తే డిసెంబర్‌లో ఈ మొత్తం 498 బిలియన్‌ ఖతారీ రియాల్స్‌గా ఉంది. నవంబర్‌తో పోల్చితే పెరుగుదల కాస్త నెమ్మదించింది.