సినీయర్ నిర్మాత, రాజకీయవేత్త , కళాబందు టి.సుబ్బరామిరెడ్డి మరో ఘన సన్మానం ఏర్పాటు చేయబోతున్నారు. సినీ పరిశ్రమలో భారీ పార్టీలు, సన్మానాలకు ఆయనను కేరాఫ్ అడ్రస్ అన్న సంగతి తెలిసిందే.

ఇటివలే మెగాస్టార్ చిరంజీవి 150వ చిత్రం 'ఖైదీ నంబర్ 150' ఘన విజయం సాధించిన నేపథ్యంలో, ఓ భారీ కార్యక్రమాన్ని ఏర్పాటు చేసిన చిరంజీవిని ఘనంగా సత్కరించారు.
తాజాగా ఆయన బాలయ్యను సత్కరించనున్నారు. 'గౌతమీపుత్ర శాతకర్ణి' సూపర్ హిట్ ను పురస్కరించుకుని ఆయన మరో భారీ కార్యక్రమం ఏర్పారు చేశారు. హైదరాబాదులోని పార్క్ హయత్ హోటల్ లో ఈ వేడుక జరుగనుంది. ఈ కార్యక్రమంలో గౌతమీ పుత్రశాతకర్ణి చిత్ర యూనిట్ ని సత్కరించనున్నారు.