75వ చిత్రానికి దగ్గరౌతున్నారు వెంకటేష్. అప్పుడే ఈ చిత్రానికి దర్శకుడ్ని ఫిక్స్ చేశారు. గౌతమి పుత్ర శాతకర్ణితో అదరగొట్టిన క్రిష్‌ వెంకీ సినిమా చేయబోతున్నారు. క్రిష్ ఓ కథ వినిపించడం, దానికి వెంకీ గ్రీన్ సిగ్నల్ ఇవ్వడం చక చక జరిగిపోయాయి.
అయితే ఇప్పుడీ సినిమాకి సంబధించిన ఓ ఆసక్తికరమైన న్యూస్ ఒకటి బయటికివచ్చింది. ఓ థ్రిల్లర్ గా తెరకెక్కనున్న ఈ చిత్రంలో వెంకీ రెండు పాత్రల్లో కనిపించబోతున్నాడట. ఆ రెండు పాత్రల మధ్య చూపించే వైరుధ్యం మాత్రం కొత్తగా ఉండబోతోందని ఇన్ సైడ్ టాక్. ఓ పాత్రలో వెంకీ గెటప్ చూసి అంతా షాక్ అవ్వాల్సిందేనని అంటున్నారు.మరో పాత్రలో నెగిటీవ్ ఛాయలు కనిపిస్తాయని తెలుస్తోంది. ఈ కొత్తదనం నచ్చే వెంకీ క్రిష్ కథకు ఓకే చెప్పాడని టాక్ వినిపిస్తుంది.
త్వరలోనే ఈ చిత్రానికి సంబధించిన ఓ ప్రకటన వచ్చే అవకాశం వుంది.