తెలంగాణ ముఖ్యమంత్రి కేసీఆర్ ముద్దుల కూతురు, ఎంపీ కవితకు జనసేన అధినేత, పవర్ స్టార్ పవన్ కళ్యాణ్ థ్యాంక్స్ చెప్పాడు. ఇంతకీ కవితక్కకి పవన్ ఎందుకు థ్యాంక్స్ చెప్పినట్టు.. ? అంటే.. పవన్ పోరాటం చేస్తున్న ఏపీ ప్రత్యేక హోదా మద్దతుగా కవితక్క కామెంట్స్ చేయడమే ఇందుకు కారణం.

అమరావతిలో జరిగిన మహిళా పార్లమెంటరీ సదస్సులో ఎంపీ కవిత పాల్గొన్నారు. ఈ సందర్బంగా ఆమె మాట్లాడుతూ.. "ఏపీకి ప్రత్యేక కోసం రెండు రాష్ట్రాలు కలిసి పోరాటం చేయాలి. ప్రజా సమస్యల పరిష్కారానికి రెండు తెలుగు రాష్ట్రాలు కలిసి కృషి చేయాలి" అని పిలుపునిచ్చారు.
ఎంపీ కవిత చేసిన వ్యాఖ్యల పట్ల హర్షం వ్యక్తం చేస్తూ పవన్ ట్విట్ చేశారు.
ఈ సందర్భంగా ఆమెకి ధన్యవాదాలు తెలిపాడు జనసేనాని.