ఈ నెల 15న ఇస్రో ప్రయోగించనున్న పీఎస్ఎల్వీ - 37 విజయవంతమవ్వాలని ఆశిస్తూ తిరుపతిలో పలువురు ఇంజనీరింగ్ విద్యార్ధులు ప్లాష్ మాబ్ (సామూహిక బహిరంగ నృత్య ప్రదర్శన) చేపట్టారు. నగరంలోని శిల్పారామం వేదికగా జయహో ఇండియా...జయహో ఇస్రో పేరుతో దేశభక్తి గేయాలకు నృత్యం చేశారు. దేశంలోనే మొట్టమొదటిసారిగా 104 ఉపగ్రహలను నింగిలో పంపడం గర్వించదగ్గ విషయమని విద్యార్ధులు తెలిపారు. ప్రతి ఒక్కరిలో అవగాహన కోసం ఈ నృత్యాలు చేస్తున్నామన్నారు.