అరబ్‌ దేశాల్లో ఒమన్‌, వార్షిక వేతనాల పెంపులో టాప్‌ ప్లేస్‌ని సొంతం చేసుకుంది. ఇంటర్నేషనల్‌ లేబర్‌ ఆర్గనైజేషన్‌ (ఐఎల్‌ఓ) గ్లోబల్‌ వేజ్‌ రిపోర్ట్‌లో ఈ విషయం వెల్లడయ్యింది. బ్రిటన్‌కి చెందిన టచ్‌స్టోన్‌ పోర్టల్‌, ఒమన్‌ యాన్యువల్‌ వేజ్‌ గ్రోత్‌ 7.2 (2008 నుంచి 2015 వరకు) ఉన్నట్లు పేర్కొంది. ఈజిప్ట్‌ ఈ లిస్ట్‌లో రెండో స్థానం సంపాదించుకుంది 6.8 శాతంతో. సౌదీ అరేబియా 6.2 శాతంతో మూడో స్థానంలో నిలిచింది. మిగతా దేశాల విషయానికొస్తే తజికిస్తాన్‌ 14.4 స్థానంతో టాప్‌ ప్లేస్‌ దక్కించుకోగా, జాబియా 12.1 శాతం, శ్రీలంక (4.2), గ్రీస్‌ 3.6 శాతం తగ్గుదలతో చివరి స్థానాల్లో నిలిచాయి. బ్రిటన్‌ యాన్యువల్‌ వేజ్‌ గ్రోత్‌ ఒక శాతం పెరిగింది. టర్కీ 4 శాతం, చైనా 9 శాతం పెరిగాయి.