అల్‌ టఫ్రా స్ట్రీట్‌, వాహనాల రాకపోకలకోసం పూర్తిగా ప్రారంభించారు. అస్ఫాల్ట్‌ లేయింగ్‌ వర్క్స్‌ పూర్తయ్యాయని, ట్రాఫిక్‌ని అనుమతిస్తున్నామని అష్గల్‌ వెల్లడించింది. గురువారం సాయంత్రం నుంచి ఈ రోడ్డుని మూసివేశారు. ఈ రోడ్డు పునఃప్రారంభంతో అల్‌ దుహైల్‌లోని ఇంటర్నల్‌ సెక్యూరిటీ ఫోర్సెస్‌ (ఐఎస్‌ఎఫ్‌) క్యాంప్‌ చుట్టూ రోడ్లను అభివృద్ధి చేసే ప్రాజెక్టు పూర్తయ్యింది. నార్త్‌, ఈస్ట్‌ మరియు సౌత్‌ డైరెక్షన్లలో పలు రోడ్లను ఇప్పటికే అభివృద్ధి చేశారు. రోడ్లను వెడల్పు చేయడం, అలాగే రోడ్లపై లేన్స్‌ని పెంచడం, సర్వీసు రోడ్లను ఏర్పాటు చేయడం, కార్‌ పార్కింగ్‌ ఏరియాల అభివృద్ధి, సర్ఫేస్‌ వాటర్‌ డ్రైనేజ్‌ సిస్టమ్‌ వంటివి మొత్తం అభివృద్ధి ప్రాజెక్టులో భాగం. 2016 ప్రారంభంలో ఈ మొత్తం ప్రాజెక్టుని మొదలు పెట్టడం జరిగింది. జులైలో అష్గల్‌, అరబ్‌ లీగ్‌ స్ట్రీట్‌ని ప్రారంభించింది. ప్రస్తుతం మైక్రో టన్నెలింగ్‌ వర్క్స్‌ దహైల్‌ స్ట్రీట్‌లో కొనసాగుతున్నాయి. ఈ ఏడాది రెండో క్వార్టర్‌ నాటికి మొత్తం పనులు పూర్తవుతాయి.