జ్యోతిక సెకండ్ ఇన్నింగ్స్ ప్రారంభించిన విషయం తెలిసిందే. బాల దర్శకత్వంలో 'నాచ్చియార్' తో సిల్వర్ స్ర్కీన్ పై సందడి చేయనుంది. ఈ సినిమా లేడీ ఓరియింటెడ్ మూవీ. జ్యోతిక ఇంతవరకూ తాను చేయని పాత్ర కావడంతోనే అంగీకరించిందని అంటున్నారు. 
ఇక సినిమాలో విలన్ గా జీవీ ప్రకాష్ కుమార్ కనిపిస్తాడట. తమిళంలో దూసుపోతోన్న యంగ్ హీరోల్లో ప్రకాష్ కుమార్ ఒకరు. అలాంటి ఆయన ఈ సినిమాలో విలన్ పాత్ర చేస్తుండటం విశేషం. ఈ పాత్ర ఈ సినిమాకి హైలైట్ గా నిలుస్తుందని టాక్. ఇళయరాజా ఈ సినిమాకి సంగీతాన్ని అందించనున్నాడు. ఈ సినిమాలో జ్యోతిక డిఫరెంట్ గా కనిపించనుందని టాక్ రావడంతో, అందరిలోనూ ఆసక్తి నెలకొంది.