రామ్‌గోపాల్‌ వర్మ తాజా చిత్రం సర్కార్‌-3 వివాదంలో పడింది. ఈ సినిమా కథ, సంభాషణలు శివ సేన సంస్థాపకుడు బాల్‌ థాకరే జీవిత చరిత్రకు దగ్గరగా వున్నాయని వార్తలు వహ్చాయి. ఇది సెన్సారు బోర్డు వరకూ వెళ్లాయి. సర్కార్‌-3 సినిమా బాల్‌ థాకరే కుటుంబ నేపథ్యంలో నడిచేదయితే మాత్రం సెన్సారు సర్టిఫికేషన్‌ కొరకు థాకరే కుటుంబ సభ్యులనుంచి నిరభ్యంతర పత్రాన్ని వర్మ సమర్పించాల్సి ఉంటుందని బోర్డు అధ్యక్షుడు పంకజ్‌ నిహలాని ఒక ప్రకటన చేశాడు. బాలీవుడ్ మెగాస్టార్ అమితాబ్ బచ్చన్ తో వర్మ రూపుందించినచిత్రం సర్కార్; ఈ సిరీస్ బాలీవుడ్ ప్రేక్షకులను ఆకట్టుకుంది. ఇప్పటికే ఈ సీరిస్ లో వచ్చిన రెండు చిత్రాలు మంచి ఫలితాన్ని అందుకున్నాయి. ఇప్పుడీ సినిమా పార్ట్ 3సిద్దం చేశాడు వర్మ. తాజగా విడుదలైన ఈ చిత్రం ట్రైలర్ ప్రేక్షకులను విపరీతంగా ఆకట్టుకుంది.