పాకిస్తానీ బిజినెస్‌ మేన్‌ 16,737 దిర్హామ్‌ల విలువైన వస్తువుల్ని అక్రమంగా పొందిన క్రెడిట్‌ కార్డ్‌ ద్వారా కొనుగోలు చేసిన నేరంలో అరెస్టయ్యాడు. అతనికి ఏడాదిపాటు జైలు శిక్ష విధించింది. క్రెడిట్‌ కార్డ్‌ పొందేందుకోసం ఫోర్జరీ డాక్యుమెంట్లను నిందితుడు వినియోగించాడు. మరో వ్యక్తికి చెందిన రెసిడెన్స్‌ వీసా, ఎమిరేట్స్‌ ఐడీ కార్డుని ఉపయోగించి క్రెడిట్‌ కార్డుని పొందాడు నిందితుడు. క్రెడిట్‌ కార్డ్‌ చెల్లింపులకు సంబంధించి ఆ వ్యక్తికి సమాచారం పంపగా, ప్రతిసారీ అది రిటర్న్‌ రావడంతో నేరం వెలుగు చూసింది. విచారణ సందర్భంగా నిందితుడు నేరాన్ని అంగీకరించాడు. అయితే తనకు విధించిన శిక్షపై పదిహేను రోజుల్లోగా అపీల్‌ చేసుకునే అవకాశం ఉంది నిందితుడికి.