దోహా క్రిమినల్‌ కోర్ట్‌, వలసదారుడైన ఓ వ్యక్తికి 400,000 ఖతారీ రియాల్స్‌ జరీమానా, 10 ఏళ్ళ జైలు శిక్ష విధించింది. జైలు శిక్ష అనంతరం దేశం నుంచి అతన్ని డిపోర్ట్‌ చేయాలని కూడా న్యాయస్థానం ఆదేశించింది. డ్రగ్స్‌ని అమ్మడం, అలాగే డ్రగ్స్‌ని సేవించడం వంటి కేసుల్లో ఈ శిక్షను న్యాయస్థానం ఖరారు చేసింది. మినిస్ట్రీ ఆఫ్‌ ఇంటీరియర్‌కి అందిన అత్యంత విశ్వసనీయ సమాచారం మేరకు, నిందితుడ్ని రెడ్‌ హ్యాండెడ్‌గా పట్టుకున్నారు పోలీసులు. 6,000 ఖతారీ రియాల్స్‌ మేర డ్రగ్స్‌ అవసరమని పోలీసులు, కస్టమర్ల రూపంలో వెళ్ళి అతన్ని అడిగి, అతన్నుంచి వాటిని పొంది, ఆ వెంటనే అరెస్ట్‌ చేయడం జరిగింది.