కావలసిన పదార్థాలు: బీరకాయలు - అరకేజి, కైమా మటన్‌ - అరకేజి, పెద్ద ఉల్లిపాయ - 1, పచ్చిమిర్చి - 3, కారం - 2 టీస్పూన్లు, ఉప్పు - రుచికి తగినంత, పసుపు - అర టీ స్పూను, నూనె - ఒకటిన్నర టేబుల్‌ స్పూను, కొత్తిమీర - 1 కట్ట, మసాలపొడి - 1 టీ స్పూను, అల్లంవెల్లుల్లిపేస్టు - 2 టీ స్పూన్లు.
తయారుచేసే విధానం: కైమాని శుభ్రంగా కడిగి నీరంతా వడకట్టి కారం, ఉప్పు, అల్లంవెల్లుల్లి పేస్టు, పసుపు పట్టించి గంటపాటు పక్కనుంచుకోవాలి. పాన్‌లో నూనె వేసి ఉల్లిపాయ, పచ్చిమిర్చి ముక్కల్ని దోరగా వేగించుకుని కైమా మిశ్రమాన్ని వేసి సన్నని మంటపై మగ్గనివ్వాలి. కైమా సగం ఉడికిన తర్వాత బీరకాయ ముక్కల్ని వేసి ఒకసారి కలిపి మూత పెట్టి రెండు విజిల్స్‌ రాగానే మంట తీసేయాలి. కుక్కర్‌ మూత తీసేక మసాల పొడి, కొత్తిమీర చల్లుకోవాలి. ఇది అన్నంతో పాటు పరాటాల్లోకి కూడా ఎంతో బాగుంటుంది.