రహదారిపై తలెత్తిన వివాదం కారణంగా ఇద్దరు వ్యక్తులకు తీవ్రగాయాలయ్యాయి. ఈ ఘటనలో ఇద్దరు బహ్రెయినీ వ్యక్తులు గాయపడ్డారు. ఆసియాకి చెందిన కొందరు వ్యక్తులతో వీరికి వివాదం తలెత్తింది. బహ్రెయినీ వ్యక్తుల్ని ఆసియాకి చెందిన వ్యక్తులు ఐరన్‌ రాడ్స్‌తో కొట్టారు. ఈ ఘటనలో పలు వాహనాలు కూడా ధ్వంసమయ్యాయి. సౌక్‌ వకిఫ్‌ ప్రాంతంలో ఈ ఘటన చోటుచేసుకుంది. దాడికి పాల్పడిన నలుగురు ఆసియా వ్యక్తుల్ని పోలీసులు అరెస్ట్‌ చేయడం జరిగింది. బహ్రెయినీ వ్యక్తులు తమను దూషించారని విచారణ సందర్బంగా నిందితులు ఆరోపించినట్లుగా తెలియవస్తోంది. విచారణ నిమిత్తం ఏడు రోజులపాటు నిందితుల్ని అదుపులో ఉంచుకోవాలని న్యాయస్థానం ఆదేశాలు జారీ చేసింది. ఇంకో ఘటనలో బహ్రెయినీ యువకుడొకరు, మరో వ్యక్తిపై దాడికి దిగాడు. ఇద్దరూ తమ తమ వాహనాల్ని రోడ్డుపై నడుపుతుండగా తలెత్తిన వివాదమే ఈ ఘటనకు కారణం. ప్రత్యక్ష సాక్షులు చెప్పిన కథనం ప్రకారం ఒకరితో ఒకరు గట్టిగా కొట్లాటకు దిగారని తెలియవస్తోంది.