కావలసిన పదార్థాలు: క్యాప్సికం - 2, తరిగిన ఉల్లి - 1, శనగపిండి - 3 టేబుల్‌ స్పూన్లు, జీలకర్ర - 1 టీ స్పూను, కారం - అర టీ స్పూను, పసుపు - పావు టీ స్పూను, ఉప్పు - రుచికి తగినంత, నూనె - 2 టీ స్పూన్లు.
తయారుచేసే విధానం: నూనెలో జీలకర్ర, ఉల్లి తరుగు వేగించి క్యాప్సికం ముక్కలు కలపాలి. నిమిషం తర్వాత ఉప్పు, పసుపు వేసి మూతపెట్టి మగ్గించాలి. తర్వాత కారం కలిపి మంట తగ్గించాలి. రెండు నిమిషాల తర్వాత శనగపిండి చల్లాలి. శనగపిండి మెత్తబడే వరకు కలపరాదు, నీరు పోయరాదు. ఈ కూర రోటీలతో చాలా రుచిగా ఉంటుంది. కూరపై మూత పెట్టకుండా, గది టెంపరేచర్‌కి వచ్చేక తినేయాలి. ఫ్రిజ్‌లో పెట్టి తినడానికి బాగుండదు.