మినిస్ట్రీ ఆఫ్‌ ఎకానమీ అండ్‌ కామర్స్‌ (ఎంఇసి), ఖతార్‌లో వాహనాల ఏజెంట్లు, అలాగే డీలర్లు ఇకపై తమ వాహనాల మీద ఫ్యూయల్‌ ఎఫీషియన్సీ లేబుల్స్‌ ఉంచాల్సిందిగా ఆదేశాలు జారీ చేసింది. ఈ లేబుల్‌ వల్ల వాహనం తాలూకు సామర్థ్యంపైనా, ఇంధన వాడకంపైనా అవగాహన కలుగుతుందని మినిస్ట్రీ పేర్కొంది. ఏ వాహనం ఎన్ని కిలోమీటర్ల మైలేజీ ఇస్తుందో వినియోగదారుడు తెలుసుకోగలిగితే, తన అవసరాలకు తగ్గట్టుగా ఏ వాహనం కొనుక్కోవడం మంచిదో ఆ వినయోగదారుడు ఎంచుకోవడానికి వీలుంటుందని అధికారులు పేర్కొన్నారు. ఫ్యుయెల్‌ ఎఫీషియన్సీ లేబుల్‌లో తయారీదారు, మోడల్‌ ఇయర్‌, ప్రొడక్షన్‌ ఇయర్‌, ఇంజిన్‌ కెపాసిటీ, వెహికిల్‌ కేటగిరీ, ఫ్యూయల్‌ ఎకానమీ రేటింగ్‌ (ఎక్సలెంట్‌ టు వెరీ పూర్‌), ఫ్యూయల్‌ ఎకానమీ ఇండెక్స్‌, ఫ్యూయెల్‌ టైప్‌ వంటివి పేర్కొనాల్సి ఉంటుంది.