ఓ మెడికల్‌ సెంటర్‌, అగ్రిమెంట్‌ ప్రకారం వలసదారుడైన డాక్టర్‌కి ఎంప్లాయెంట్‌ కల్పించనందుకుగాను ఆ మెడికల్‌ సెంటర్‌కి 300,000 ఖతారీ రియాల్స్‌ జరీమానా విధించింది న్యాయస్థానం. డెర్మటాలజిస్ట్‌గా పనిచేసేందుకోసం ఆ డాక్టర్‌తో మెడికల్‌ సెంటర్‌ ఒప్పందం కుదుర్చుకుంది. స్పెషలిస్ట్‌ అనే క్లాసిఫికేషన్‌ లేదన్న కారణంగా మెడికల్‌ సెంటర్‌, అతన్ని ఉద్యోగంలో నియమించేందుకు అంగీకరించలేదు. ఈ క్రమంలో డాక్టర్‌ తప్పిదమేమీ లేదని న్యాయస్థానం నిర్ధారించింది. చేసుకున్న ఒప్పందాన్ని గౌరవించని కారణంగా మెడికల్‌ సెంటర్‌కి జరీమానా విధించింది. ఆ మొత్తాన్ని డాక్టర్‌కి చెల్లించాలనీ, రిపాట్రియేషన్‌ అలాగే లీగల్‌ ఖర్చుల్ని కూడా చెల్లించాల్సిందిగా మెడికల్‌ సెంటర్‌కి ఆదేశాలు జారీ చేసింది.