థండర్‌ రెయిన్స్‌ ఫుజాయిరా, షార్జా, అల్‌ అయిన్‌ తదితర ప్రాంతాల్లో కొన్ని చోట్ల ఎక్కువగానూ, కొన్ని చోట్ల ఓ మోస్తరుగానూ కురిశాయి. నేడు కూడా థండర్‌ రెయిన్స్‌ ఉంటాయని మెటియరాలజీ అండ్‌ సెస్మాలజీ నేషనల్‌ సెంటర్‌ పేర్కొంది. ఆకాశం మేఘావృతమయి ఉంటుందనీ, వాతావరణ పరిస్థితుల్లో ఊహించని మార్పులుంటాయని అధికారులు పేర్కొంటున్నారు. వర్షాల కారణంగా ఉష్ణోగ్రతల్లో తగ్గుదల నమోదవుతోంది. 1000 మీటర్లకంటే తక్కువగా విజిబిలిటీ ఉంటుంది గనుక వాహనదారులు అప్రమత్తంగా ఉండాలి. బలమైన గాలులు, దుమ్ముతో కూడిన వాతావరణం చోటుచేసుకుంటుంది. ఈ వారంలో వర్షాలు ఎక్కువగా కురిసే అవకాశం ఉంది. వాహనదారులు వర్షాల పట్ల, దుమ్ముతో కూడిన గాలి పట్ల జాగ్రత్తగా ఉండాలని అధికారులు సూచించారు. బుధవారం వాతావరణం మేఘాలతో నిండి ఉండనుంది. సముద్రం కొంతమేర రఫ్‌గా ఉండొచ్చు. అరేబియన్‌ గల్ఫ్‌, ఒమన్‌ సీ ఓ మోస్తరు రఫ్‌గా ఉంటుందని వాతావరణ శాఖ హెచ్చరించింది.