జూనియర్ ఎన్టీఆర్ లేటెస్ట్ గా నటిస్తున్న 'జై లవకుశ' సినిమాలో నెగిటివ్ పాత్రలో నటిస్తున్న విషయం తెలిసిందే. జూనియర్ తన కెరియర్ లో మొట్టమొదటి సారి త్రిపాత్రభినయం చేస్తున్న ఈమూవీలో తన మూడు పాత్రలకు సంబంధించి మూడు డిఫరెంట్ లుక్స్ లో కనిపించ బోతున్నాడు. అయితే ఈసినిమాకు సంబంధించి జూనియర్ అత్యం త భయంకరంగా కనిపిస్తున్న లుక్ కు సంబంధించిన ఫోటో లీక్ అయింది.
ప్రస్తుతం ఈఫోటో మీడియాకు హాట్ టాపిక్ గా మారింది. బాబీ దర్శకత్వం వహిస్తున్న ఈమూవీకి సంబంధించి జూనియర్ గెటప్ లో ఇలా భయపెట్టే కళ్లు, గుండు చేసిన లుక్ తో 'జై' కేరక్టర్లో కనిపించనున్నాడన్న వార్తలు వస్తున్నాయి. అయితే ఇది ఎన్టీఆర్ వేసుకున్న మేకప్ కాదు జస్ట్ ఒక మాస్క్ మాత్రమే అని తెలుస్తోంది.
ఇటువంటి మేకప్ వేసుకుంటే జూనియర్ ఎలా కనిపిస్తాడు అని తెలుసు కోవడానికి ఇలాంటి ఒక మాస్క్ తయారుచేసి జూనియర్ ముఖానికి తొడిగి ఒక టెస్ట్ ట్రయల్ చేసినట్లు తెలుస్తోంది. ఈ మూవీకి పనిచేస్తున్న హాలీవుడ్ టెక్నీషియన్ వాన్స్ గార్ట్ వెల్ రూపొందించిన మాస్క్ ఇది అని అంటున్నారు. లార్డ్ ఆఫ్ ద రింగ్స్ కు వర్క్ చేసి ఎంతో పేరును తెచ్చుకున్న హాలీవుడ్ టెక్నీషియన్ వాన్స్ గార్ట్ వెల్ జూనియర్ మూవీకి పనిచేయడం ఇప్పుడు టాపిక్ ఆఫ్ ది టాలీవుడ్ గా మారింది.
ప్రస్తుతం రామోజీ ఫిలిం సిటీలో జరుగుతున్న ఈ సినిమా షూటింగ్ లో జూనియర్ కు ఈ మాస్క్ వేసి ఒక టెస్ట్ ట్రయల్ చేసినట్లు టాక్. జూనియర్ అభిమానులు మానసికంగా ఈ లుక్ కు అలవాటు పడే విధంగా ఈ లుక్ కు సంబంధించిన ఫోటోలు లీక్ చేసినట్లు సమాచారం.
భయకరంగా కనిపిస్తూ కళ్ళు రెండు తెరిచి ఉన్న ఈలుక్ ఫోటో ఇప్పుడు జూనియర్ అభిమానులను విపరీతంగా ఆకర్షిస్తోంది. దసరా ను టార్గెట్ చేస్తూ విడుదల కాబోతున్న ఈ మూవీ పై ఎన్నో ఆసలు పెట్టుకున్న జూనియర్ ఈసినిమా కోసం తెగ శ్రమ పడుతున్నాడు.