పొట్ట‌ చేత‌బ‌ట్టుకుని గ‌ల్ఫ్ కి వెళ్తున్న వారి స్థితిగ‌తులు ఎలా ఉన్నాయి? క‌న్న‌వారికి, క‌ట్టుకున్న‌వాళ్ల‌కి దూరంగా బ‌త‌కాల‌నుకునే వారు గ‌ల్ఫ్‌లో జీవితాన్ని సుఖంగా గడుపుతున్నారా? భారంగా గ‌డుపుతున్నారా? ఇలాంటి ఎన్నో అంశాల‌తో గల్ఫ్ దేశాలలో నివసిస్తున్న ప్రవాస భారతీయుల జీవితాలపై నిర్మించిన 'గల్ఫ్' చిత్రం త్వరలో విడుదల కానున్నది. ఇందులో కష్టాలతోపాటు అక్కడ ఉండే సంతోషాన్ని, విజయాలను ఓ స్వ‌చ్ఛ‌మైన ప్రేమ క‌థను చూపిస్తున్నారు.
తెలంగాణ, ఆంధ్ర ప్రదేశ్ లతో పాటు అరబ్ గల్ఫ్ దేశాలలో 20 మందిని అంబాసిడర్లు గా నియమిస్తున్నామని, వీరు 'గల్ఫ్' సినిమా కు అధికార ప్రతినిధులుగా వ్యవహరిస్తారని దర్శకుడు పి. సునీల్ కుమార్ రెడ్డి తెలిపారు.
నిర్మల్ జిల్లా తర్లపాడుకు చెందిన యువకుడు గుండేటి గణేష్ గల్ఫ్ దేశమైన ఓమాన్ (మస్కట్) కు 18 ఏళ్ల క్రితం సామాన్యుడిగా వలసవెళ్లి ఒక వ్యాపారవేత్తగా ఎదిగాడు. 'గల్ఫ్' సినిమా ఓవర్సీస్ అంబాసిడర్ గా ప్రవాస భారతీయుడు గుండేటి గణేష్ ను నియమించినట్లు దర్శకుడు పి. సునీల్ కుమార్ రెడ్డి తెలిపారు.