మస్కట్: మినిస్ట్రీ ఆఫ్‌ మ్యాన్‌పవర్‌ వీక్లీ రిపోర్ట్‌ ప్రకారం లేబర్‌ చట్టాన్ని ఉల్లంఘించిన 568 మందిని అరెస్ట్‌ చేసినట్లు తెలుస్తుంది. మార్చి 18 నుంచి 25 వరకు నిర్వహించిన ప్రత్యేక తనిఖీల్లో ఈ ఉల్లంఘనలు బయటపడ్డాయి. అరెస్టయినవారిలో కమర్షియల్‌ వర్కర్లు 445 మంది, ఫామ్‌ వర్కర్స్‌ 53, హౌస్‌మెయిడ్స్‌ 70 మంది ఉన్నారు. మొత్తం 350 మందిని దేశం నుంచి బహిష్కరిస్తున్నట్లు అధికారులు వెల్లడించారు. లేబర్ చట్టం, అలాగే మినిస్టీరియల్‌ నిర్ణయాలకు విరుద్ధంగా వ్యవహరిస్తున్నవారిపై అధికారులు ఎప్పటికప్పుడు కఠిన చర్యలు తీసుకోవడం జరుగుతోంది. 319 మంది తప్పించుకు తిరుగుతున్న వర్కర్లను కూడా ఈ సందర్భంగా అధికారులు అరెస్ట్‌ చేశారు.