పెట్రోల్‌, డీజిల్‌ ధరలు భారీగా తగ్గాయి. లీటరు పెట్రోల్‌పై రూ.3.77, డీజిల్‌పై రూ.2.91 తగ్గిస్తూ కేంద్ర ప్రభుత్వరంగ చమురు సంస్థలు నిర్ణయం తీసుకున్నాయి. తగ్గించిన ధరలు శుక్రవారం అర్ధరాత్రి నుంచే అమలులోకి వస్తాయని కంపెనీల ప్రతినిధులు పేర్కొన్నారు. పెట్రోల్‌ ధరల నియంత్రణ నిర్ణయాన్ని కేంద్రం ఆయిల్‌ కంపెనీలకు కట్టబెట్టిననాటి నుంచి ప్రతి 15 రోజులకు ఒకసారి ధరలను సవరిస్తున్న సంగతి తెలిసిందే. ప్రస్తుతం హైదరాబాద్‌లో లీటర్‌ పెట్రోల్‌ ధర రూ.75.91గాను, డీజిల్‌ రూ.64.34గానూ ఉంది. తగ్గిన ధరలతో పెట్రోల్‌ రూ.72.14కు, డీజిల్‌ రూ.61.43కు గా వుండనుంది.