స్టార్‌ హీరోగా వరుస సినిమాలతో బిజీగా ఉన్నప్పటికీ కుటుంబంతో గడిపే అవకాశాన్ని ఏ మాత్రం వదులుకోవడం లేదు ఇప్పటి సినిమా హీరోలు. ఖాళీగా ఉన్నప్పుడు కుటుంబంతో గడపడం స్టైలిష్‌స్టార్‌ అల్లు అర్జున్‌కు అలవాటు. వృతిపరమైన విషయాలనే కాకుండా వ్యక్తిగత విషయాలను కూడా సోషల్‌ మీడియా ద్వారా అభిమానులతో పంచుకోవడం కూడా బన్నీకి అలవాటు. తన భార్య స్నేహారెడ్డితో తీయించుకున్న సెల్ఫీని ఆదివారం పోస్ట్‌ చేసిన బన్నీ.. ముద్దుల తనయుడు అయాన్‌తో కలిసి ఈత కొడుతూ తీయించుకున్న ఫోటోను సోమవారం పంచుకున్నాడు. అయాన్‌ పుట్టినరోజు సందర్భంగా బన్నీ తన కుటుంబసభ్యులతో కలిసి గోవాకు విహారయాత్రకు వెళ్లాడు. ఈ ట్రిప్‌లో భాగంగా కొడుకుతో కలిసి స్విమ్మింగ్‌ చేస్తున్న ఫోటోను తన ఫేస్‌బుక్‌ ఖాతాలో పోస్ట్‌ చేశాడు బన్నీ.
అంతేకాకుండా 'మా బర్త్‌డే బాయ్‌తో గోవాలో విహారయాత్ర' అంటూ కామెంట్‌ కూడా రాశాడు. ఈ ట్రిప్‌ కోసం బన్నీ 'దువ్వాడ జగన్నాథమ్‌' షూటింగ్‌కు స్వల్ప విరామం ఇచ్చాడు.