కాల భ్రమణం
- September 29, 2015బుద్ది దెలిసినప్పట్నుండి అమ్మ దిట్టిన అన్నగొట్టిన
బుజాలమిదెక్కించుకొని బుజ్జగించినవు
నేను ఎక్కడెక్కడో దిరిగి ఆటలాడి వచ్చి విడిచిన
మురికి బట్టలను తెల తెల్లని మల్లెపూల్లాగా ఉతికి
మాయ జేసితివి
ఇంకా నేను కొద్ది కొద్దిగా నీ కాయ కష్టం జేసిన చేతుల్లో
పెరిగి యుక్తవయస్సులో సోపతుల్తో కలిసి దావతులకెల్లొచ్చి
మంచమ్మీదవడుకుంటే,లేరా నాన్న లే కొంచెం బువ్వదిని
పడుకుందులే బుజ్జగించితివి
ఇన్నిజేసినా నిన్ను నేను విడిచి సముద్రాలు దాటి వెళ్లినా
నాలుగు పైసలు సంపాదించుకొని నల్గురిలో మంచిగా బ్రతుకుతాడ్లే
అనుకుంటివి
నా బ్రతుకు సూడకముందే,నిన్ను క్యాన్సర్ భూతం తింటున్నప్పుడు
నీ ఋణం తీర్చుకోవడానికి సీసలకొద్దీ రక్తమెక్కిచ్చినా, ఆ రక్త కణాలతో
పోరాడి ఓడి,నీ కన్న తల్లిని వెదుక్కుంటూ వెల్లిపోతివి నాన్న..
నువ్వెల్లిన మాకు అండగా భీష్మచార్యునిలాంటి మా చిన్నాన్న
ఉన్నాడనుకుంటే నీలాగే గాదే,గదే పట్నంలా నీ అటువంటి రోగంతో
నీ అడుగు జాడల్లోనే వెళ్ళిపోయే
ఎంత ఏడ్చినా ఎంత బాధపడ్డ మీ దారిన మీరెల్లిపోతిరి.. ఇక మేమేం చేయం
ఈ కాల భ్రమణంలో మీరూదిన ఊపిరులను మా వారసులకూదుతూ.... రావడం తప్ప.
--జయ రెడ్డి బోడ(అబుధాబి)
తాజా వార్తలు
- సింగపూర్ కొత్త ప్రధానిగా లారెన్స్ వాంగ్
- టీమిండియా కోచ్ రేసులో ఇద్దరు విదేశీయులు..
- అమెరికా: ఉద్యోగాలు కోల్పోయిన హెచ్1బీ వీసాదారుల కోసం కొత్త గైడ్లైన్స్
- స్పామ్ కాల్స్కు ఇక గుడ్బై..
- సిబిఎస్ఇ లో రాణించిన భారత పాఠశాల విద్యార్థులు
- మరో ఘనతకు సిద్ధమవుతున్న కువైట్ ఎయిర్ పోర్ట్..!
- సౌదీలో SR3000 గరిష్ఠ డ్యూటీ ఫ్రీ పరిమితి విధింపు
- వావ్.. దుబాయ్ కొత్త విమానాశ్రయం ఫోటోస్ ఔట్
- ఖతార్ ఎకనామిక్ ఫోరమ్ ప్రారంభం
- యూఏఈలో పురాతన నీటిపారుదల వ్యవస్థ పునరుద్ధరణ