మనామా: బహ్రెయిన్‌ నుంచి సౌదీకి గత తొమ్మిది రోజుల్లో లిక్కర్‌ మరియు పోర్క్‌ ప్రోడక్ట్స్‌ని తీసుకొచ్చేందుకు చేసిన 100 ప్రయత్నాల్ని అధికారులు భగ్నం చేశారు. సౌదీ కస్టమ్స్‌ ఈ వివరాల్ని వెల్లడించింది. మొత్తం 102 వాహనాలు స్మగ్లింగ్‌ కార్యకలాపాలకు యత్నిస్తుండగా వాటిని కింగ్‌ ఫవాద్‌ కాజ్‌ వే పై పట్టుకున్నట్లు అధికారులు వివరించారు. స్మగ్లింగ్‌కి యత్నించినవాటిల్లో లిక్కర్‌, బీర్‌, పోర్క్‌ ప్రోడక్ట్స్‌, నిషేధిత యానిమల్‌ డ్రగ్స్‌, అలాగే జీవించి ఉన్న పక్షులు ఉన్నాయి. మార్చి 30 నుంచి ఏప్రిల్‌ 8 వరకు నిర్వహించిన తనిఖీలకు సంబంధించిన వివరాలివి. ఇంకో వైపున స్ప్రింగ్‌ హాలీడేస్‌లో మొత్తం 950,000 మంది ప్రయాణీకులకు ఎంట్రీ, ఎగ్జిట్‌ సౌకర్యం కల్పించినట్లు సౌదీ కస్టమ్స్‌ వెల్లడించింది.