ఊహలు గుస గుసలాడే సినిమాతో తెలుగు తెరకు హీరోయిన్ గా పరిచయం అయిన రాశి ఖన్నా అందం అభినయం ఉన్న నటి. బెల్లం శ్రీదేవి గా రాశి ఖన్నా నటనలో చిలిపిదనం అలనాటి రాధికాను గుర్తుకు తెచ్చింది.. వరస ఆఫర్స్ తో దక్షిణాది సినిమాల్లో దూసుకు పోతున్న రాశి ఖన్నా విలన్ షెడ్ ఉన్న పాత్రలకు కూడా ఒకే అంటోంది. తాజాగా బి. ఉన్నికృష్ణన్ దర్శకత్వంలో మలయాళ మెగాస్టార్ మోహన్ లాల్ నటిస్తున్న 'విలన్' సినిమాలో ఈమె నెగిటివ్ షెడ్ ఉన్న పోలీస్ ఆఫీసర్ గా నటిస్తోంది అనే టాక్ వినిపిస్తోంది. కాగా ఇలా విభిన్న పాత్రలో నటించడమే కాదు.. ఈ సినిమా కోసం సింగర్ గా అవతారం ఎత్తిందట. ఈ సినిమాలోని టైటిల్ సాంగ్ ను రాశి ఖన్నా పాడిందట.. ఈ విషయాన్ని రాశి ఖన్నా షేర్ చేసుకొంటూ.. తన చిన్న నటి కోరిక నెరవేరింది.. చాలా సంతోషంగా ఉంది అని అంది.. కాగాసందీప్ కిషన్ 'జోరు; సినిమాలో రాశి ఖన్నా టైటిల్ సాంగ్ లో గొంతు కలిపిన సంగతి విధితమే..