జగపతిబాబు హీరోగా అర్జున్‌ వాసుదేవ్‌ దర్శకత్వంలో తెరకెక్కిస్తున్న చిత్రం ‘సూర్యాభాయ్‌’. ఈ సినిమా ప్రచార చిత్రాన్ని మంగళవారం విడుదల చేశారు. ఇప్పటి వరకు 3 షెడ్యూళ్లు పూర్తయ్యాయని, మే 5 నుంచి చివరి షెడ్యూల్‌ ప్రారంభం కానుందని చిత్ర బృందం పేర్కొంది. అన్ని కార్యక్రమాలు పూర్తి చేసి జులైలో చిత్రాన్ని విడుదల చేయడానికి సన్నాహాలు చేస్తున్నట్లు తెలిపింది. ఈ సందర్భంగా చిత్ర నిర్మాతలు రాజేష్‌ చిన్నారి, ప్రతాప్‌ దండెం మాట్లాడుతూ.. ‘జగపతిబాబు ఇందులో పవర్‌ఫుల్‌ పాత్రలో నటిస్తున్నారు. రాజకీయ నేపథ్యంలో రూపొందుతోన్న ఈ చిత్రం ప్రేక్షకుల్ని ఆకట్టుకుంటుంది. ప్రదీప్‌రావత్‌, సుమన్‌, సాయికుమార్‌, అర్చన ఈ చిత్రంలో ముఖ్యపాత్రలు పోషిస్తున్నారు. ప్రముఖ నటి ఇందులో జగపతిబాబు సరసన నటిస్తున్నారు’ అన్నారు.