ఏప్రిల్‌ 21న బహ్రెయిన్‌ తెలుగు కళా సమితి, ఉగాది వేడుకల్ని అంగరంగ వైభవంగా నిర్వహించింది. ప్రముఖ సినీ గీత రచయిత చంద్రబోస్‌, ఈ కార్యక్రమానికి ముక్య అతిథిగా హారయ్యారు. తెలుగు వారికి ఉగాది ఎంతో ప్రత్యేకమైన పండుగ కావడంతో, పెద్ద సంఖ్యలో తెలుగువారు ఈ పండుగకి హాజరై, ఆనందోత్సాహాల మధ్య ఉగాది వేడుకల్ని జరుపుకున్నారు. నోరూరించే పిండి వంటలు, ప్రత్యేక తెలుగు వంటకాలతో ఉగాది సంబరాలు మిన్నంటాయి. ఏప్రిల్‌ 21న ఉదయం 9.30 నిమిషాలకు బహ్రెయిన్‌ కేరళీయ సమాజంలో ఈ వేడుకలు జరిగాయి. పలు సాంస్కృతిక కార్యక్రమాలు ఆహూతుల్ని అలరించాయి. పంచాంగ పఠనం, సంగీతం, సాహిత్యం, నృత్యం, నాటికలతో ఉగాది వేడుకల్ని సంప్రదాయ బద్ధంగా నిర్వహించడం గమనించదగ్గ అంశం. 

--యం.వాసుదేవ రావు (మాగల్ఫ్ ప్రతినిధి,బహ్రెయిన్)